A vawi 27 nan GSW an tlawm

Golden State Warriors tan kum tharin awmzia a nei thei rih chuang lo, nimin zing NBA regular season inkhelah GSW hi Minnesota Timberwolves lakah 99-84 in an chak lo a, season kal laiah vawi 27 zet an tlawmna a ni ta.

Warriors tan player langsar an awm thei lo, star player Stephen Curry awm lohna team tan Glenn Robinson III chu point nei hnem ber niin 16 a nei a, chak pui atan chuan a tlem tham deuh. Tun season-ah Steve Kerr-a naute hian vawi kua chiah chak ni hmel an la hmu ve a, Pathianni zing dar 7:00 hian Detroit Pistons an hmachawn leh ang