Poland Open champion Garcia

Caroline Garcia chuan Ana Bogdan hnehin Poland Open nomawi a chawi, hmeichhe tennis inelna WTA huangah nomawi pakua a chawi tlinna chiah a ni nghal bawk.

Pathianni zana final khelhah Garcia hian 6-4, 6-1 in hnehna a chang, hun rei tak nomawi a chawi loh hnuah tun season chu a tan kum ṭha a ni. Season kal laiah Poland Open hma khan Homburg Open title a la bawk - kum thum a champion loh hnuah a vul leh mek.

Hmeichhe inelna dang Prague Open lamah Marie Bouzkova a champion bawk. Bouzkova hian Russian player Anastasia Potapova chu 6-0, 6-3 in a hneh a, professional tennis a luhchilh hnua nomawi a chawi hmasak ber a ni.