Liverpool an tlawm chiang

Community Shield nomawi chawi hlim Liverpool chuan Pathianni zan khan friendly match an khel zui a, mahse, an mikhual Strasbourg lakah 3-0 in an tlawm.

Ligue 1 club tan hian Adrien Thomasson chuan goal hnih a khung a, Habib Diallo chuan goal khat a thawh ve bawk - Reds-in reserve team hlang deuhthawin an khel a, si phurh sutna goal an nei lo.

Liverpool tan Man-chester City an hnehna inkhela bul ṭan zingah bul ṭan an awm lo a, City laka bench aṭanga lut zingah James Milner, Hary Elliott leh Fabio Carvalho-ten bul an ṭan thung.

Hetihlai hian Reds defender Ibrahima Konate chu hliam vanga lakchhuah a ngai a, Liverpool boss Jurgen Klopp chuan a player hi ngaihtuahawm a nih loh thu a sawi - August 6, tlai dar 5:00-a Fulham nena league match an khelh hunah a inlan theih a beisei.

Reds midfielder Naby Keita leh Curtis Jones pawh an damlo a, Keita dinhmun a ngaihtuahawm loh laiin, Jones erawh enfiah a ngaih tur thu Klopp chuan a sawi.

Liverpool tana inlante
Liverpool: Davies, Mabaya (Phillips, 46), Konate (Van den Berg, 57), Gomez, Chambers, Milner, Bajcetic (Clark, 57), Morton, Frauendorf (Musialowski, 76), Elliott, Carvalho.