India rawltharten Nepal an sawp

South Asian Football Federation (SAFF) Under -20 Championship khelh mekah India rawlthar rualte an chak chiang a, Nepal chu 8-0 ngawtin an sawp.

Kalinga National Stadium, Bhuba-neshwar-a inkhelah India tan Indian Arrows player pahnih, Parthib Gogoi leh Taison Singh te chuan goal hnih ve ve an khung a, Indian Arrows forward Himanshu Jangra, Indian Arrows right back Tankadhar Bag, Mumbai City winger Gurkirat Singh leh Sudeva Delhi striker Shubho Paul te chuan goal khat ṭheuh an khung bawk.

Inelna thlengtu India hian an match hmasa berah Bangladesh chu 2-1 in an ngam lo a, mahse, a hnuah insiamṭha nghalin match hnih a zawnin an chak leh tawh - Nepal an sawp hma hian Sri Lanka chu 4-0 in an lo sawp tawh bawk a ni.

India hian zanin dar 8:00-ah league round match tawp ber an khel dawn a, Indian rawlthar rual tan tlang turin chak ngei ngei a ngai tawh.