MFA Super Cup Inelna neih hun sawn hla

Lawmman cheng nuai 4.5 semna tur, Lal­biakliana Memorial Mizo­ram Football Asso­ciation Super Cup 2017 chu July 3, 2017 aṭangin Aizawlah khelh ṭan a ni dawn.

Inelna hi ruahmanna hmasaah chuan June 28-a ṭan tura tel rel ni mah se Central YMA Football khelh mek nen a hun a inhnaih deuh a, club lam­in inbuatsaihna hun ṭha zawk an neih theihna tura sawn hlat a ni.

Entry Fee Rs 500 chu June 28, 2017 thleng, MFA Office, City Park-ah a pek theih ang. Lalbiakliana Memorial MFA Super Cup-ah hian lawmmana pawisa sem zat tur hi Rs 4,50,000/- a ni ang a, Mizorama knock out competition-a pawisa tamna ber a ni ang.

MFA/District FA leh Zone FA hnuaia affiliated club tupawh tel theih a ni ang a; team 32-in lawm­man an dawng thei ang.

MFA chuan Mizoram chhung kil tina football club zawng zawngte tel ṭheuh turin a sawm a; team tam thei ang berin lawmman an dawn theih dan tur a duang bawk a ni.

Lawmman
Champion Rs 2,00,000
Runners up Rs 80,000
Semi Finalists Rs 20,000
Quarter Finalists Rs 8,000
Round of 16 Rs 4,500
Round of 32 Rs 2,500
Fair Play Rs 10,000
Mimal Lawmman
Best Goalkeeper Rs 3,000
Best Defender Rs 3,000
Best Midfielder Rs 3,000
Best Forward Rs 3,000