Dinthar FC an inthuam ṭha

Mizoram Premier League-a champion hmasa ber Dinthar FC-in an vanglai hman ṭhat leh tumin tualchhung transfer bazarah thawm an nei chho ṭan a, season ṭantirh aṭangin an veng pa Lalhlupuia Sailo-in a kaihruai tawh ang.

Coach Lalhlua'n sea­son liam ta khan Din­thar FC talbuai hnu­ah enkawl ṭanin tla thei dinhmun

aṭangin semifinal a beisei pui a, amaherawhchu season tawpah parukna an ni. Dinthar FC hian an official FB page-ah defender Malsawma Chhangte, midfielder Lal­biakhlua, forward Lal­nunsanga (Tale-a) leh Lalramliana te an lakluh thu an nemnghet.

Champhai Venglai tlang­val Malsawma Chhangte hian season liam ta khan Zo United tan a inlan a, Aizawl FC player hlui hian a football career tuai thar a tum chho leh mek. Armed Veng tlangval Hlutea'n Chanmari West a chhuahsan dawn a, Din­thar FC-ah hmun pawi­mawh a chang thei ang.

MPL5-a Zo United tana goal thum khugntu Tale-a'n West Warrior tana a khelhpui ṭhin Hlutea hnung a zui a, Armed Veng South tlangval hmang hian Dinthar goal nawr a na sawt ang. Dinthar FC-a hming chher Lalramliana'n season liam ta khan Chhinga Veng FC-ah beisei a pha tawk lo a, Ramtea hian amah ngainatu Maimawms-te lawmna siam a tum leh dawn a ni.