Kontaveit tan title hmasa ber

Rawlthar duhawm Anett Kontaveit chuan WTA Tour title hmasa ber la turin Pathianni zan khan Den Bosch final-ah Natalia Vikhlyantseva 6-2, 6-3 a hnehin a champion.

Kum 21-a upa Kon­taveit hian May thla khan Italian Open-ah world number 1 Angelique Kerber a lo hneh tawh bawk, Estonian tennis player chhuak thar hian French Open-ah beisei phak lo mah se tunah erawh a hun a inher chhuak ve ta a ni.

World number 46 Kontaveit-i'n title a lak avangin ranking-ah pawh hma a sawn nghal, tunkara WTA ranking chhuak thar berah chuan number 36 a ni tawh dawn a, a career-ah a tawn san ber ṭum a ni dawn.