TFL awm leh dawn

Mizoram Amateur Taek­wondo Association ro­reltu sang Executive Committee chu kar hmasa khan an ṭhu khawm a, kumin September thlaah Taek­wondo Fight League (TFL) season 2 neih leh nise an ti.

MATA hian kumina an hmachhawp hrang hrang sawiin, July thlatir a neih tur 3rd National Cadet Taekwondo Cham­pionship-ah team tirh tura ruahman a ni a, Bhubaneshwar, Odhisa-a Mizoram aiawh tur thlanna hi June 24 hian MATA Hall-ah neih a ni ang.

Mizoram Open Poom­sae Taekwondo Cham­pionship vawi 11-na chu July 6-7 hian MATA Hall, Republic Vengthlangah neih tur niin he inelna hi National Taekwondo Poomsae Championship lo awm tura state aiawh tur thlanna a ni nghal dawn.

Taekwondo Federa­tion of India leh MATA ṭangkawpin Taekowndo Black belt leh State refe­ree-te tan August thla chawlhkar 3-naah hian National Taekwondo Poom­sae Referee & Judge Seminar chu MATA Hall, Republic Vengthlangah a buatsaih dawn a, he hunah hian Bangalore aṭangin In­ter­national Referee Rajes­wor Meitei a lokal ang.