Thutiama ding nghet Crotone manager

Serie A club Crotone manager Davide Nicola chuan a player-te hnena a lo intiam tawh ang ngeiin km 1,300 chu thirsa­kawrin a tlan chhuak! Davide Nicola hian April thla khan tla thei dinhmuna an din laiin a naute hnenah Serie A-ah an inhamtang a nih chuan Crotone aṭanga an khua Vigone thleng thirsakawra a inkhalh thlen tur thu a sawi a ni.

Kum 44-a upa ma­nager hian an match hnuhnung pakuaah a naute hi vawi ruk hnehna chanpuiin relegation zone aṭangin point hnihin a himpui a, an match hmasa 29-a vawi thum chiah hnehna an chan nen chuan a inthlau hle.

Nicola chuan, "Tun dinhmunah chuan ka chau miah lo a, na pawh ka nei lo. Zinkawng hlimawm tak, thawnthua ziah ang mai a ni. Naktuk aṭang chuan ka chau deuh mai thei a, mah se ka tana pawimawh ber chu ka thutiama ka ding nghet hi a ni," a ti.

Crotone manager Nicola hian km 1,300 tlan tur hian ni kua hun a hmang a ni.