Ramhlun North leh Aizawl FC-ah Chhuantea

Santosh Trophy hnu­hnung bera Mizoram pla­yer pawimawh V. Lal­chhuanawma chuan Mizoram Premier League khel turin Ramhlun North FC a zawm a, I League leh AFC Champions League khel turin Aizawl FC tan contract a ziak bawk.

Ramhlun North tlang­val Chhuantea hi position hrang hrangah a khel thei a, ke vei lam hmang thiam niin Mi­zoram team-ah left back leh midfield laiah chhawr a ni a, CYMA Football-ah chuan an veng striker a ni thung. Chhuantea hian a captain-na hnuaiah SYS FC chu 2012 MFA Cup-ah a champion pui a, hemi hnu hian ONGC a zawm avangin tualchhung foot­ball-ah hmuh tur a awm meuh lo.

ONGC captain arm­band hreng pha Chhuantea chuan, "Kumin chhung atan kan veng (Ramhlun North) club-ah contract ka ziak a, nakkum Janua­ry aṭangin Aizawl FC ka zawm ang," tiin club pahnih tana contract a ziah dan chungchang a sawifiah.