BVT-in Chawnga an lalut

Bethlehem Veng­thlang FC-in Mizoram Pre­mier League Season 6-a an team kaihruai turin Chawngthansanga an lalut.

CYMA Football-a Chanmari enkawltu coach Chawnga hian BVT-ah season liam taa league hmahruaitu nichunga semifinal hruai thlengtu Lalbiaksanga Colney a thlak dawn a ni.

Chawnga chuan, "BVT hian kalphung awm­ze neiin team an en­kawl a, khawtlang mipui nen an ṭangrual a, hei hi he club ka zawmna chhan a ni. Club-in player ṭha tak tak enkawl tur min chhawp sak dawn a, champion tumin hma kan la ang," tiin Vanglaini a hrilh.

MPL hmasa ber Playoff-ah Chawnga hian Reitlang enkawlin Reiek club chu Mizorama football inelna sang ber khel turin a kai pui a, hemi hnu hian Chanmari West FC leh Chhinga Veng FC te en­kawlin MPL-a tawn­hriat nei ṭha ber zinga mi a ni.