Wayne Rooney-a'n training ṭan tawh

Manchester United-in season thar atana training la ṭan lo mah se Wayne Roo­ney chuan amahin trai­ning a nei ṭan tawh.

Red Devils hi July 9 hian United States-a match nga friendly match khel turin an zin chhuak dawn a, hemi hma ni hian an inhmu khawm chauh ang.

United-a season khat chauh contract nei tawh Rooney hi Barbados-ah chawlh hmangin a zin chhuak a, amaherawhchu a hmalam hun ngaihtuahin chawlh a hmang rei lo. Kum 31 mi English striker hi a hmalam hun a chiang lo.

Old Trafford-a Roo­ney contract hlutna hi pound maktaduai 13 man hu anga chhut a ni a, Jose Mourinho-a'n chhawr a tum lo a nih chuan chhuahtir a ṭul ang. Chinese transfer window chu July 14 -ah a tawp dawn a, Major League Soc­­cer chu August 9-ah a tawp ang a, Europe erawh August 31 ah a tawp thung ang.