Kashyap-a'n main draw lut

Indian shuttler ṭhen­khat chu an ranking a hniam deuh avangin 2017 Australian Open Super Series main draw khel turin qualifier an khelh a ngai. Thawhṭanni khan Parupalli Kashyap chuan a khingpui hnehin main draw a in vaw kai.

World number 69 Parupalli Kashyap hian China tlangval Zhao Junpeng chu 21-15, 21-18 in a hneh. Hyderabad shuttler hian world num­ber 1 Son Wan Ho a hma­chhawn zui dawn a, a hmabak a khirh dawn hle.

Inkhel dangah Young Siril Verma chuan Yehez­kiel Fritz Mainaky lakah 21-9, 21-9 a hnehna a chan hnuin Shreyansh Jaiswal 21-16, 21-14 in a hneh leh bawk a, main draw a in vaw kai ve bawk. Hmeichhe singles khel turin Ruthvika Shivani Gadde-i'n khawtual nula Ruwindi Serasinghe hnehin a tling bawk a ni.

Pathianni tlaia Indo­nesia Open nomawi chawi­tu Kidambi Srikanth-a'n first round-ah Kan Chao Yu a hmachhawn dawn a, Malaysia-a inlan lo Ajay Jayaram chuan seeded pasarihna Ng Ka Long Angus a hmachhawn thung dawn.

Australia-ah hian Thailand Grand Prix Gold champion B Sai Praneeth bakah PV Sindhu leh Saina Nehwal te an in­lan vek bawk avangin In­dia tan nomawi chawi beiseina a sang ve hle.