China leh Singapore GP a chiang lo

Season thara Formual 1 intlan­siakna tur hmun chinfel mek a ni a, Asia aṭanga he inelna thleng ṭhin Chinese leh Singapore Grand Prix te an tel dawn leh dawn loh a la chiang thei lo.

Formula 1 thuneitu lam chuan 2018 season-ah chuan intlansiak 21 a awm dawn thu an tichiang tawh a, heng zingah hian kumina tel lo French Grand Prix chu telh a ni dawn.

China leh Singapore te hian an dinhmun an la tihchian theih loh chhan chu sum lam harsat vang a ni pakhat a, a chhan bulpui pakhatah chuan tun hma aiin mipuiin an hlutna a tlak hniam tak vang nia sawi a ni bawk.

Season ṭan nan March 25-ah Australian GP tlan a ni dawn a, kum dang ang bawkin Abu Dhabi chu a hnu kharna tur a ni leh ang. Germany GP pawhin kum khat daih bak contract an neih tawh lo, inremna an siam thar a nih loh chuan nakkum hi Formula 1-a an hun hnuhnung a ni bawk ang.