Chanmariin final an thleng

TṬ Royte Trophy-ah Chanmari Vengin College Veng hnehin final an lut a, Inter Branch YMA Football Tournament-a vawi thum final an luhna chiah niin coach Chawngthansanga kaihhruaina hnuaiah an la chawi ngai loh nomawi chawi thei dinhmunah an ding.

Nimin Lammual inkhelah Chanmariin minute 40-naa Ro­sang­liana goal hmang­in hma an hruai a, first leg-ah 2-0 a an chak tawh bawk avangin final kalkawngah harsatna lian an tawk lo. Injury time-a College Veng tana Ramfangzauva freekick mawi tak chu scoreline timawitu chauh niin aggregate-ah Chanmari 3-1 in an chak.

Team 141 inelnaah final lut mah se Chanmari lawm a kim lo a, injury time-a hnawhchhuah Aizawl FC defender Lalhriat­renga leh defen­der pawimawh C. Lal­muan­awma te chuan hrem vangin final an khel thei dawn lo.

Chanmari coach Chawng­thansanga chuan, "CYMA Football-ah game sang ber khelh a ni lo a, amaherawhchu a boruak hi a sang a ni. Hetiang inelnaa final kan thleng hi ka lawm a, player-te an thawhrim rah a ni a, hruaitute aṭangin thlawpna kan hmu ṭha bawk," tiin Vanglaini a hrilh.

Inkhel Result
1st leg : June 19, Thawhṭanni
College Veng 0 - 2 Chanmari
CHA : Rosangliana 27'; Lalhriatpuia 90+3'
2nd leg : Nimin Inkhel
Chanmari 1 - 1 College Veng
CHA : Rosangliana 40'
COL : Ramfangzauva 90+3'
Aggregate-ah Chanmari 3-1 in an chak