Grass-ah Muguruza inlan

Clay court season a liam a, tennis player-ten grass court lamah inelna an nei ṭan mek. Season hmasa French Open champion Garbine Muguruza chuan Aegon Classic-a a match hmasa berah Elizaveta Kulichkova chu 6-3, 3-6, 6-4 in a hneh hram.

Kum 23-a upa Muguruza hian kuminah beisei a phak rih lo, nikuma world number 2 hial ni thei kha tun dinhmunah chuan number 15-na daih a ni. Spain nula hian kum 2015 khan Wimbledon final a khel a, mahse Serena Williams lakah a tlawm.

Inkhel dangah Wimbledon vawi hnih champion tawh Petra Kvitova chuan 6-2, 6-3 2 in Tereza Smitkova in a hneh. Czech nula hi nikum khan a chenna inah chemte hmanga beih a ni a, zai a ngai hial. A hliam a dam hnuah match thum a khelh lehna chiah a ni.