Tennis thiam Paolo Maldini

AC Milan legend Paolo Maldini chuan foot­ball a chawlhsan hnuah infiamna a la chawlhsan vek lo, mipa tennis inelna huang chhunga intihsiakna pakhat Aspria Tennis Cup khel turin an in vaw tling.

Italy tana match 126 ngawt khel thei Maldini hian football a khelh loh hnuah tennis a vawi ṭhin a, June 29-a neih tur Aspria Tennis Cup-ah hian Stefano Landonio nen doubles-ah an inkawp dawn a ni.

Challenger Tour hi ATP World Tour ca­lendar-a tournament pawimawh zinga mi a ni phak lo a, player langsar an inlan ngai lo. Mahse, kum upa deuh tawh leh an vanglaia player ṭha ni ṭhin erawh an inlan fo.

Kum 48-a upa Maldini ṭanpui tur Landonio hi kum 46 mi a ni ve tawh tho a, a vanglai chuan world number 975-na pawh a lo ni ve tawh a ni.