Steve Bruce-a'n Hull hmachhawn dawn
English football-a Premier League hnuai chiah Championship 2017-18 fixtures chu nimin khan tihchhuah a ni a, Aston Villa boss Steve Bruce chuan Premier League a kaisanpui hnua a chhuahsan Hull City chu Villa match hmasa berah a hmachhawn dawn.
Hull City hi coach thar Leonid Slutsky hnuaia khel tur an ni a, Russia boss hlui hian English football-a a match hmasa berah chak loh a duh lo ang. Garry Monk-a'n Leeds United-a contract thar a ziah duh loh hnuah Premier League aṭanga tla hlim Middlesbrough a pan a, a match hmasa berah Wolves a hmachhawn dawn. Wolves hi season hmasaa Porto coach Nuno Espirito Santo enkawlna hnuaiah an khel ang.
Sunderland-in Scottish club Aberdeen manager Derek McInnes lakluh an tumna a tlawlh hnuah coach thar an la nei leh lo a, Derby County laka an match hmasa ber an khelh hunah erawh coach thar an nei tawh ngei ang.
Premier League club ni ṭhin, League One aṭanga Championship invawrhkai hlim Bolton Wanderers chuan Leeds United-ah an league match hmasa ber an khel dawn thung.