Pogba khup hliam an zai dawn lo

Juventus-a a kir hnua khup hliam nei Paul Pogba chu zai a ngai dawn lo a, khawthlang media-te chuan French midfielder hi khelmualah a lo kir leh vat tur thu an tarlang.

Kum 29 mi midfielder hian nipui transfer lai khan Manchester United aṭangin Juve hi free transfer-in a zawm a, mahse, USA-a tour an neihnaah a khupah hliam a nei zui - Mexican club Chivas Guadalajara nena an inkhelah a inlan a, a hnuah a khup hi sawiselna a nei zui a ni.

Pogba hi zai a nih chuan World Cup a khelh lo mai hlauhthawnna a awm hman a, mahse, France international hian Thawhlehni khan specialist a hmu a, zai a ngai dawn lo.

Italian chanchinbu La Gazzetta dello Sport-in an tarlan dan chuan Pogba hian gym leh pool lamah inenkawlna a nei zui dawn a, kar nga vel tal chu a chawlh a rinawm.

Juventus hian August 15, zan dar 12:15-ah season thar atana an match hmasa ber an khel dawn a, Sassuolo nen Serie A match an khel dawn a ni.