Semifinal-ah Rosangkima chak lo

India rama tennis thuneitu sang - All India Tennis Association (AITA) hnuai tournament, Golaghat-a khelh Championships Series-ah Rosangkima Hlondo chu under 12 huangah a inlan a, semifinal hial thleng mah se Abhay (Jorhat) hneh loin a zinkawng a tawp.

Doubles huangah pawh Rosangkima hi a inlan, a ṭanpui Neil Megh Sarmah nen quarterfinal in vaw kai ve bawk mah se, Ayyan leh Enrich te ṭangdun an hneh lo bawk a ni.

Tun dinhmuna AITA ranking-ah Rosangkima Hlondo hi number 260 a ni mek. College Veng naupang hi Ace Tennis Coaching Bethlehem Vengthlangah coach B. Lalruattluanga hnuai inzir lai a ni.