Wimbledon champion a tlawm

Elena Rybakina chuan Wimbledon title a lak hnuah duhthusam result a la nei leh lo. Silicon Valley Classic-ah Rybakina hi a inlan a, a match hmasa berah Daria Kasatkina chu 1-6, 6-2, 6-0 in a hneh lo nghal.

Seeded pasarihna Rybakina hian inkhel tir lam a thunun viau, mahse a tawp lamah a zuih. Game hnuhnung lam 14 zinga 12 a hloh a, tlang tur chuan a bul ṭan fuh aiin a tawp khar dik a pawimawh zawk.

Kum 23 mi Rybakina chuan, "A tirah che ṭha viau mah ila a hnu lamah ka zuih takzet. Taksa fit tawk loh vang ni chuang ka hre lo, hun rei lote chhungin thil engkim mai kha a rawn danglam vek a ni ber," a ti.

Tun thla chawhnu lam aṭangin US Open an khel dawn. Grand Slam hnuhnung ber khelh hun a hla tawh lo a, player-te tan hard court inelna lian hmachhawn tur chuan inbuatsaihna neih ṭhat a pawimawh.