Bethlehem VT ṭha zawk

Mizoram Premier League Season 6-ah Bethlehem Vengthlang FC-in team thar an chhawp chhuak dawn a, coach Chawngthansanga hoten champion tumin season thar an zuang kai ang.

BVT hian Chanmari West FC aṭangin MPL5 best midfielder nominee-a telpha K. Lalnunzama (Valtea), keeper Lalruatpuia leh forward Ramengmawia te, Ai­zawl FC ṭangin forward B. Zo­ram­thara leh midfielder Lalnun­tluanga te, Ramhlun North FC aṭang­in Mizoram defender Israel Laldingngheta, Chhinga Veng FC aṭangin Vanlal­thanga, Zo United aṭangin midfiel­der PC Lalṭhazuala (Puitea) leh goalkeeper LK Hmangaihzuala (Mama) te an lakluh avangin tawh an khirh dawn.

MPL5 league round-a pakhatna BVT hian season liam taa an player pawimawh midfielder R. Lalrammawia leh defender PC Laldinpuia te an chelh a, MPL5 Under 18 champion zinga player pawimawh senior team-ah ziaklut bawk a, season liam ta aiin an squad an chhah tawh zawk ang.