Fa neih hnuah Azarenka a rawn kir

Tennis world number 1 hlui Victoria Azarenka-i chu fa a neih hnuah court-ah a inlan leh thei tawh. Azarenka hian Mallorca Open first round-ah Risa Ozaki lakah match point vawi thum ngawt a in­chhan­­him hnuah hnehna a chang.

Australian Open vawi hnih champion tawh Azarenka hian nikum December thla khan fa a nei, Mallorca-ah hian Japan nula Ozaki chu darkar hnih leh minute 44 an inkhelh hnuah 6-3, 4-6, 7-6 (9-7) in a hneh.

Belarus star Azarenka hi fa a pai avanga a chawlh dawn khan world number 6 a ni. WTA dan leh hrai angin nau pai avanga chawl a nih avangin a inkhelh leh theih hnuah tournament lian khel thei turin a dinhmun a ṭha leh nghal a, July 3 a khelh tur Wimbledon-ah pawh a inlan thei ang.