Russia infiammi an hrem belh

Russian Athletic Federation chuan an ram infiammi pathum Anas­ta­siya Kapachinskaya, Inga Abitova leh Denis Alekseyev te chu damdawi hman phal loh an hman avangin an hrem.

Infiammi pathum te hi 2008 Olympics-ah khan an inlan vek, Kapa­chinskaya hian hmeichhe 4x400m relay-ah silver medal a dawng a; Alekseyev hian mipa 4x400m-ah bronze medal a dawng thung.

Russian athlete pathumte hian intih chakna damdawi an hmang tih hmuh chhuah a ni a, an rama athletic lama thu neitu sang Russian Athletic Federation chuan kum li chhung atan a hrem. Olympic-a an medal dawn pahnihte hi International Olympic Committee hnehnah pek kir leh tawh niin heng inelna pa­hnihah hian Britain-in medal an dawng thei dawn ta tihna a ni.

Nikum khan Russia hian an ram sorkar hriatpuina hnuaiah infiammi tam tak chu dan a bawhchhiattir tih hmuh chhuah a ni a, he thil thleng vang hian Rio Olympic-ah pawh neutral athlete anga an inlan a ngaih phah a, tun dinhmunah infiammi engemaw zat chu hrem an ni mek bawk.