Monisha Kaltenborn leh Sauber inṭhen

Hmeichhe zinga Formula 1 team principal ni thei hmasa ber Monisha Kaltenborn chu a team enkawl Sauber nen an inṭhen.

Sauber dintu Peter Sauber chuan kum 2012 khan Kaltenborn hi Swiss team enkawl turin a ruat a, mahse beisei angin an hlawhtling thei lo. Kum 1993 hnulamah he team hian F1 nomawi an la chawi leh lo.

India a piang Austrian khua leh tui nihna nei Kaltenborn hian kum 1990 vel aṭang khan he team tan hian hna a thawk ṭan tawh a, mahse tun hnaiah team neitu Longbow Finance lam nen an inhmuthiam lo a ni.

Tun season-ah Sauber hian beisei an phak lo hle, point 4 chiah la hmuin a hniam ber dawtah an awm, an hnuaiah hian point la hmu lo McLaren chiah an awm. Team championship-a hmahruaitu Mercedes chuan point 222 zet an hmu tawh a ni.