FPAI XI-in Mizoram zin tur squad puang
Football Players Association of India (FPAI) chuan Mizoram XI hmachhawn tur squad an puang ta a, hming 16 tarchhuah zingah Newcastle United tan pawha khel tawh Michael Chopra chu hming langsar ber a ni.
Mizoramah hian India football legend pahnih Bhaichung Bhutia leh Renedy Singh pawh an rawn zin dawn a, India captain Sunil Chhetri dinhmun erawh a la chiang thei lo.
Mizoram XI leh FPAI hi July 1, Inrinni khian Rajiv Gandhi Stadium, Aizawlah khelh a ni dawn a, inkhel en man hi Rs 100 leh Rs 200 a ni. Exhibition match buatsaihtu FPAI leh MFA te chuan an sum hmuh chu tun hnaia Mizorama chhiat tawkte ṭanpuina atana an hman tur thu an puang tawh.
FPAI XI-ah hian veteran goalkeeper Sandip Nandy a rawn tel thei dawn a, keeper pakhat zawk Abhijit Mondal hi East Bengal goalkeeping coach niin I League, Durand Cup leh Federation Cup nomawi a chawi vek tawh.
Tlarhnungah tun hma deuha defender lar ber zinga mi Gouramangi Singh chu mit la tur a ni a, tun hnaia langsar Anas Edathodika, Narayan Das leh Pritam Kotal te an awm bawk. Midfield-ah Aizawl FC champion puitu captain Alfred Jaryan-a'n hmun pawimawh a chang dawn a, DSK Shivajians player pawimawh Seityasen Singh leh Holicharan Narzary te an tel bawk.
Tlarhmaah Michael Chopra a awm chuan player ṭha dang pawh rawn kal lo se Leeds United player hlui hi RG Stadium panna tham a tling tawh a, amaherawhchu FPAI XI-in I League neih zawh taka Indian zinga Sunil nena goal khung tam ber CK Vineeth an neih tel avangin Mizoram XI-in tlarhnung an rem phui a ṭul dawn a ni.
# Player Position Club
1 Abhijit Mondal Goalkeeper East Bengal goalkeeping coach
2 Sandip Nandy Goalkeeper Kerala Blasters FC/Mumbai FC
3 Gouramangi Singh Center back FC Pune City/DSK Shivajians
4 Deepak Mandal Center back Ozone FC
5 Anas Edathodika Center back Delhi Dynamos FC/Mohun Bagan
6 Narayan Das Left back East Bengal/FC Pune City
7 Pritam Kotal Right back Atletico de Kolkata/Mohun Bagan
8 Gurjinder Kumar Right back FC Pune City/Minerva
9 Rana Gharami Left back Mohammedan Sporting Club
10 Jewel Raja Midfielder Dempo S.C./Atletico de Kolkata
11 Saran Singh Midfielder Churchill Brothers
12 Holicharan Narzary Winger NorthEast United/DSK Shivajians
13 Seityasen Singh Winger NorthEast United/DSK Shivajians
14 Alfred Jaryan Striker Aizawl FC
15 C.K. Vineeth Striker Kerala Blasters/Bengaluru FC
16. Michael Chopra Striker Kerala Blasters/Alloa Athletic F.C.