Mizoram hmeichhe team 3-na

CAPF U19 Tour­na­ment North East Zone-ah Mizoram hmeichhe team chuan Nagaland 3-2 a hnehin pathumna an ni. Jawaharlal Nehru Stadium, Shillong-a inel­na neihah hian vawi­inah final khelh a ni dawn a, mipa inelnaah Mizoram leh Manipur ten final an khel ang.

Nimin inkhelah hian Mizoram tan first half-ah Grace H. Lalram­pari'n freekick aṭangin a pet goal a, Ruthi Lalrin­mawii freekick pet chu Nagaland defender-in an lamah a tilut bawk. Amaherawhchu, Naga­land-in second half-ah an siphurh an sut a, hun tawp hma hreta penalty hmu bawkin keeper Esther Hmingthansangi'n Mizoram a chhanhim.

Injury time-ah Mizo­ramin freekick an hmu a, Grace-i bawkin petin Lalrinmuani'n a tauh goal a, 3-2 in an chak hram. Mizoram hian semifinal-ah Manipur 6-0 in an hneh lo a, vawiin hian hmeichhe final-ah Manipur leh Arunachal Pradesh te an inkhel ang.