Jacob-a'n West Warrior a zawm
Mizoram Premier League club Chanmari West FC-in season thar atan an coach HC Zarzoliana an chelh a, Shillong Lajong FC aṭangin midfielder Jacob Lalrawngbawla an la chhuak bawk.
Tlungvel tlangval Jacob hi Mizo midfielder zinga hmabak nei êng ber te zinga sawi ṭhin a ni a, Mizoram Police midfielder leh I League-a Aizawl FC champion puitu midfielder V. Lalṭanpuia nau a ni. Jacob hian kum 2010 khan Lajong hi a zawm a, July 2011 khan FC Bayern Munich-ah training a nei a, October 12, 2012 khan I League-ah Lajong tan a vawi khat nan a inlan a. Chanmari West-in Shillong club tana tawnhriat ṭha tak nei tawh Jacob an lalut thei hi an vannei a, team tan ṭhatpui tham a ni.
Chanmari West chuan season thar atan player 18 an tifel tawh a, tawnhriat nei ṭha player an kawl nual avangin season tharah MPL tihmuhhnawmtute zinga mi an ni ang.
Chanmari West lak tawh chin
Goalkeeper Veng/Khua Season liam taa khelhna
1 Lalmalsawma Hmar Republic VT/Mamit Chanmari West FC
Defender
2 Ronald Zothanzama Bawngkawn Chhinga Veng FC
3 Lalmawizuala Ramhlun South Ramhlun FC
4 Calvin Zosiamliana Chanmari West/Kolasib Chanmari West FC
5 Tlangthanpuia Hnahlan -
6 Vanlalruata Sihphir Venghlun Zo United
7 C. Lalthanmawia Govt Complex Chawnpui FC
Midfielder
8 Lalṭhapuia Salem Veng Ramhlun FC
9 Lalromawia Ramhlun South Ramhlun FC
10 Lalrintluanga Kolasib Bethlehem VT FC
11 Vanlalhuma Zemabawk North -
12 Khiangdingpuia Model Veng/Saichal -
13 Jacob Lalrawngbawla Tlungvel Shillong Lajong
14 Lalengmawia Edenthar Aizawl FC Academy
Forward
14 Lallianzama Bungkawn VT/Zobawk Chanmari West FC
15 Lalremruata Ramhlun South
16 Ellis Zothansanga Republic Veng/Cherhlun Venghlui FC
17 Lalremruata Hnahthial -
18 R. Lalremruata West Phaileng Chanmari West