Sindhu zinkawng a tawp
P.V Sindhu tan Australian Open Super Series zinkawng a tawp ta. Indian nula hi nimin khan world number 1 Tai-Tzu Ying lakah 10-21, 22-20, 21-16 in a chak lo.
Sindhu leh Tai te hi an inkhel tawk hle a, game khat ve ve lain game thumnaah pawh 15-15 thlengin an inum tawk hle. Mahse, hun pawimawhah Chinese Taipei shuttler hian point ruk a hmuh belh laiin Sindhu hian point khat bak a hmuh belh lo a, a vanduai zawkah a ṭan phah ta a ni.
World number 7 Sindhu leh seeded pakhatna Tai te hi vawi 10 an inhmachhawnna chiah a ni a, Tai hian record nei ṭha zawkin vawi sarih hnehna a chang tawh.
Rio Olympic silver mesalist Sindhu hian kuminah Syed Modi International Grand Prix Gold leh Indian Open Seper Series te a chawi tawh. Tun hnaiah result ṭha a neih hlehtheih loh avangin world ranking-ah pawh pahnihna aṭangin palinaah a tla thla leh rih a ni.