Quarterfinal-ah Raducanu a lut

Emma Raducanu chuan Louisa Chirico hnehin Citi Open khelh laiah quarterfinal a lut. US Open a hnai a, hard court inelna liam khel tura inbuatsaihna kawngah a che fuh chho leh mek.

Ningani zan inkhelah Raducanu hian, darkar khat leh minute 27 chhungin Chirico hi 6-4, 6-2 in a hneh. Seeded pahnihna hian a match lehpekah chuan Ludmilla Samsonova a hmachhawn leh ang.

Kum 19 mi Raducanu chuan, "Ka tan chuan Washington hi chu hmun nuam a ni. Wimbledon hnuah match ka khel tam tawk lo, tun season tournament ka khelh hoah pawh beisei ka phak lo hle tih ka hria.

"US lamah kan zin a, tunah chuan boruak a fuh leh ta," a ti. August 29 aṭangin kumina Grand Slam hnuhnung ber US Open an khel leh dawn, tun hnaia result neih ṭhat hian inrintawkna a siam belh ngei ang.