Djokovic a inhnuk dawk

Canadian Open aṭangin Novak Djokovic chu loh theih lohna avangin a inhnukdawk. Serbian star hian hripui laka invenna vaccine a la duh lo - hei vang hian atan United States-ah zin luh theih a ni lo a, a hranpain kawng an hawnsak lem lo.

Tuna a buaina ang tho hi January thla khan Djokovic hian a lo tawk tawh. Australian Open khel turin Melbourne khawpuiah a thlawk lut hman a, mahse tourna-ment a khelh hmain thawn kir leh a ni.

Tun thla tawp lamah US Open khelh a ni dawn, ruahmanna an siam thar thut a nih loh chuan New York khawpuiah pawh Djokovic hi a inkhel thei dawn lo tihna a ni a, Grand Slam nomawi la hnem ber nih a tumna a harsat phah ang.

Kum 35 mi Djokovic chuan, "Tournament khel turin ka inbuatsaih a, kawng a inhawn tak hlauhin ka tih vang a ni," tiin hmanni khan a lo sawi tawh, a beisei erawh a hlawhtling dawn ta rih lo.