Saints manager thar Pellegrino

Southampton chuan manger thar atan Mauricio Pellegrino an ruat. Argentine manager hian Claude Puel hmun ruak a luah dawn a, kum thum daih contract a ziak.

Kum 45 mi Pellegrino hian nikum May thla khan La Liga club Alaves a enkawl ṭan a, league-ah pakuana nihpuiin Spanish Cup final-a hruai thleng - nomawi inchuhna in­khelah Barcelona an ngam lo thung.

Liverpool defender hlui Pellegrino chuan, "Ka rilru put hmang leh he club kalphung hi a inmil a, thawhhona ṭha tak a awm ngei ka ring," tiin a sawi.

Kum 2012 khan Pellegrino hian team enkawl hna thawk ṭanin Valencia a zawm.Kum khat hnuah an ram Argentina club Independiente leh Estudiantes te a enkawl zui leh a, season hmasa khan a vawi hnih nan La Liga club Alaves a kaihruai bawk.

Puel kaihhruaina hnuaiah Saints hian season hmasa khan League Cup final an thleng a, kum 2003 hnua major tournament-a final an luh lehna hmasa ber a ni hial. Mahse, league lamah beisei an phak lo hle, vawi 16 zet tlawmin table-ah pariatna an ni.

Tun hnai kum thum chhungin Pellegrino hi Saints manager palina a ni.