Dinthar FC-ah MPL best keeper
Mizoram Premier League hnuhnung bera best goalkeeper Malsawmdawngzela'n MPL champion hmasa ber Dinthar FC a zawm.
Khawzawl keeper Mala hian season liam ta khan Bethlehem Vengthlang FC tan khelin MPL league round 14-ah match 13 inlanin goal 11 chiah a chhuah a, minute 115 danah goal a chhuah ang a ni. Dinthar keeper thar Mala hian league round-ah vawi riat ngawt clean sheet a nei a, knockout stage-ah vawi khat clean sheet neih belhin BVT-in final an thlen theih nana player pawimawh a ni.
Maimawm hian Mala an lakluh bakah season liam taa an goal khung khawl pahnih Michael Lalremruata leh Samuel Laltlanthanga bakah defender Vanlalchhanhima te chu an chelh bawk. Dinthar tlangval Samuel hi DFC tan kum riat khel tawhin Mizoram 1st Division League, MPL leh I Day Football-ah te a champion pui tawh a ni.