Bolt leh Gatlin intlansiak dawn?
August thla khian London-ah World Championship neih tur a ni a, khawvela tlan chak ber record siamtu Usain Bolt-a'n a inlan tur thu a tichiang tawh. American sprinter Justin Gatlin pawh inlan thei tura ngaih a ni a, 100m intlansiak hmuhnawm kan hmuh ngei a beiseiawm.
US aiawh tur zawnnaah Gatlin hian 100m chu second 9.95 chhunga tlan thlengin pakhatna a ni a, kumin bikah chuan Gatlin hi 100m-a record nei ṭha ber niin hun a mamawh tlem ber a ni.
US World Championship trial-ah hian Yohan Blake pawh a tlan ṭha hle. Kum 27 mi Blake hian second 9.90 chhunga thlengin tun hnai kum nga chhunga a tlan ṭhat ber ṭum a tawng ve bawk.
Jamaican sprinter Asafa Powell leh Elaine Thompson ten tlakhniam lam aia hmasawn lam an la pan zel avangin kumin World Championship-a 100m intlansiak tur hian ngaihven a hlawh zual ang.