WTF hming thlak

World Taekwondo Federation (WTF) General Assembly Muju, S.Korea a neih chuan kum 1973 aṭanga hman tawh World Taekwondo Federation chu World Taekwondo tiin a hming an thlak.

World Taekwondo president Choue Chung-won chuan, "Kan tan chuan ni chhinchhiah tlak tak a ni. Pawl chu khawvel kal ruala hmasawn zel tur kan ni a, tunlai khawvela mila kal turin hma kan lak a ngai. Infiamna dangte laka hriathran kan awl nan leh lansarh theih nan hming thlak hi a ngai," tiin a sawi.