Chinese player khuahkhirh dawn lo

Badminton World Federeation (BWF) chuan China rama hri leng mek vangin Chinese player-te chu khuahkhirh an nih bik loh tur thu an sawi a, player zin chhuak tur erawh fimkhur taka endik leh venhimna kalpui a ni thung ang.

BWF chuan thuchhuah siamin, "BWF chuan player tin an him theih nan ruahmanna ṭha tak a siam. Chinese player bakah official te chu venhimna uluk tak pek an ni ang a, inelna hmachhawn thei lo tura khap beh an ni bik lo ang.

"Khawvel pumah harsatna thleng thei a nihzia chu kan hria, mahse infiamna huangah chuan thil hi langtlang leh felfai taka kalpui a ngai, hei vang hian zalen takin kan inpawh vek ang tihna erawh a ni chuang lo," an ti.

Tokyo Olympic qualifier zinga tel pakhat China Masters chu February 25 aṭanga March 1 chhunga khelh tur ni mah se player inhnukdawk an tam avangin a hun sawn a ngai a, April 21-16 chhunga neih tur Badminton Asia Championship erawh tluang taka neih theih beisei a ni thung.