Tuten nge semifinal lut dawn?

Vawiin hian I Day Football-a group A ten group match hnuhnung ber RG Stadium-ah an khel dawn. Chawhma dar 11:00-ah FC Bethlehem leh Chawnpui FC an inkhel ang a, tlai dar 1:00-ah Aizawl FC leh FC Venghnuai te an inkhel thung ang.

Inelnaah hian head to head en hmasak tur a ni a, chutihrualin Chawnpui leh Venghnuai ten hnehna an chang a nih chuan Aizawl FC, Chawnpui leh FC Venghnuai ten point ruk vek an hmu ang a, a pumpui goal difference en a ṭul dawn. Venghnuai hian Chawnpui hneh lo mah se Bethlehem an sawp avanga an goal difference a ṭhat avangin Aizawl FC an hneh chuan semifinal an lut dawn a, I League club dinhmun a him bik lo.

Chutihrualin point la hmu lo FC Bethlehem-in Chawnpui hi an chelh emaw an hneh emaw a nih chuan Aizawl FC hi inkhelh hma hauhin semifinal an lut dawn tih a chiang thei ang. A tawi zawngin vawiin inkhel tur pahnih hi a pawimawh a, semifinal khel tur zawnna a nih avangin a hmuhnawm khawp ang.