Wrestling leh boxing-ah India che ṭha

Birmingham, England-a neih mek 2022 Common-wealth Games-ah nimin tlai thleng khan India-in medal 43 (G-15, S-11, B-17) an la tawh. Medal lak kawngah Indian wrestler leh boxer-te an che ṭha.

Wrestling mipaah Bajrang Punia (65 kg), Deepak Punia (86 kg), Ravi Kumar Dahiya (57 kg) leh Naveen Malik (74 kg) ten gold medal an la a, hmeichhe boxing-ah Sakshi Malik (62 kg) leh Vinesh Phogat (53 kg) ten gold medal an la bawk. Wrestling-ah India-in gold medal paruk bakah silver medal pakhat leh bronze panga an la.

Boxing-ah Olympic-a beisei pha lo Amit Panghal-a'n (51 kg) gold medal a la a, hmeichhe 48 kg-ah Nitu Ghanghas-i'n gold medal a lak bakah bronze medal pathum an hlawh chhuak bawk.