Mizoram Fight League a hnai
Mizoram State Mixed Martial Arts Association leh Zonet ṭangkawpin an buatsaih Mizoram Fight League chu June 30 aṭangin khelh ṭan a ni dawn a, January 28 leh 29-ah contender fight neih ṭan a ni ang. Contender fight-a hnehna changte hian MFL-ah inlanna hun ṭha an nei thei dawn a ni.
MFL-ah hian team pali Juggernaut MMA, Promise Strivers, DSZ Fight Club leh BCA Brawlers-te an intum kual dawn a, team tin an inhmachhawn hnuah point hmu sang ber team chu champion-ah puan an ni ang a, category tinah fighter champion an awm vek bawk ang.
MISMA hian June 23 khan inhmachhawn turte pawh a lo puang chhuak tawh a, fighter tin hian match khatah Rs. 10,000 zel an hlawh thei dawn a ni. Nikum lam khan MISMA hian JSJ Fit Pro nena thawkdunin JSJ Fight League an lo buatsaih tawh a, kumina MFL neih tur hi he fight league chhunzawmna tur hi niin June 30-ah hian JSJ Fight League belt inchuhna neih a ni nghal dawn.
Mizoram Fight League nei tur hian MISMA lam hi an inbuatsaih ngawrh hle. Australia aṭangin International BJJ (Brazilian Jiu-Jitsu) coach Lachlan John Conway an chah chhuak a, ani ho hian seminar leh training neih niin ni thum chhung a awh ang.
He seminar hi MISMA member tan Rs. 500 pein a chhim theih a, member ni lo tan pawh Rs. 1000 pein a chhim theih bawk. A hrechiang duh tan phone number 9886447684/ 9612163464 /9862501767-ah te zawhfiah theih a ni.