RB Leipzig leh Stuttgart an inhnehtawk

Pathianni zan Bundesliga inkhelah DFB Pokal champion lai RB Leipzig chu VfB Stuttgart nen 1-1 in an inhnehtawk. Inkhel dangah FC Cologne-in player 10-a khel Schalke 3-1 in an hneh thung.

Mercedes-Benz Arena-a inkhelah mikhual team Leipzig tan Cristopher Nkunku chuan minute riatnaah goal hmahruai a khung a, mualneituin minute 31-naah Naouirou Ahamada hmangin an sut a, goal dang a luh belh tawh lo.

Leipzig coach Domenico Tedesco chuan, "Kan chance neih chu hmang ṭangkai ila kan chak ngei ang. Mahse a tawpah chuan point khat chauh kan hmu a, kan khelh dan a lungawi thlak loh," tiin a sawi.

Bayern Munich elpha tura ngaih zinga mi Leipzig hian August 13, Inrinni zan hian FC Cologne an mikhual ang.