RB Leipzig-ah Werner a kir dawn

Timo Werner chuan Chelsea aṭangin RB Leipzig a zawm dawn a, he thu i chhiar meuh chuan a chiang tawh hial ang. Germany international striker hian Chelsea-ah beisei a pha lo a, hming a chher tawhna hmun Leipzig-ah a kir ang.

Kum 26 mi Werner hian Leipzig tan season li chhung khelin goal 10 a khung tling vek a, Chelsea a zawm hma season-ah phei chuan goal 28 a khung.

Chelsea hian Werner-a release clause pound maktaduai 47.5 chu tinungin June 2020 khan Stamford Bridge-ah an lalut. German forward hian season hnih chhungin league match 56 khel mah se goal 10 chauh a khung a, beisei a pha lo hle.

RB Leipzig-in Werner an lakletna man tur hi puanzar chiah ni lo mah se pound maktaduai 25.3 (€30m) bawr vel ni tura ngaih a ni a, hei bakah hian a chet ṭhat dan a zirin a man hi a pung thei bawk ang.