Dubai-ah Mizo badminton coach

Mizo badminton coach ṭha Lalhlimpuia (Puipuia) chu Gulf Badminton Academy (GBA), Dubai-a Coach hna thawk tura thlan a ni a, Mission Veng tlangval hi Pullela Gopichand Badminton Academy, Hyderabad-a coach ni lai a ni.

Mission Veng Bad-minton Academy aṭanga a badminton zinkawng zawh ṭantu Puipuia hian nimin khan Dubai lam panin India a chhuahsan a, ram pawnah baminton Coach hna Mizo tlangvalin a thawk dawn.

Puipuia hi badminton khawvelah a mikhual lo. TOMS Badminton Academy-ah 2013-16 chhung kha coaching kalin, kum 2017-2019 inkar khan Karnataka Badminton Academy lamah a zir zawm leh bawk a ni.

Mizoram Badminton Association chuan thuchhuah siamin, "Hetianga badminton lama hlawhtlinna ropui nei thei Mizo ṭhalai kan nei hi MBA chuan a chhuangin, a lawmpui takzet a, duhsakna sang ber a hlan bawk," an ti a, duhsakna an hlan.