India-in series an la

India cricket team chuan West Indies nen T20 match nga an khelhah vawi li chakin 4-1 in series an la. Match hnuhnung ber hi Pathianni khan Central Broward Regional Park, Florida-ah khelh a ni a, India hi 88 runs in an chak.

Men in Blue hi ṭhumvawrah an vannei a, vuak hmasak an thlang. Shreyas Iyer-a'n 64 runs a siam bakah Deepak Hooda (38) leh captain Hardik Pandya (28) te an che ṭha a, 188/7 runs an siam.

Windies tan target hi umphak theih ni mah se Shimron Hetmyer-a'n (57) thlawptu a nei ṭha lo a, over 15.4-ah 100 runs siamin an thi fai vek a, Men in Blue hi 88 runs-in an chak. Indian bowler Axar Patel-a'n wicket thum lain 15 runs chauh a pe a, player of the match-ah an thlang.

India hian August 18, Ningani aṭangin Zimbabwe nen ODI series an khel leh ang.