MFA Super Cup Entry Fee pek tawp ni
Mizoram football-a knock out competition-a pawisa tamna ber tur, Biakliana Memorial Mizoram Football Association Super Cup 2017 a tel duh tan vawiin thleng entry fee pek theih a ni. MFA/District FA leh Zone FA hnuaia affiliated club tu pawh tel theih a ni a, entry fee Rs 500 hi MFA Office, City Park-ah pek tur a ni.
Nikum khan MFA Super Cup-ah hian team 66 an tel a, kuminah erawh Aizawl DFA-in an hnuaia third division club an tih tet avangin team tel zat hi tlahniam tura ngaih a ni. Chutihrualin MFA hnuaiah District FA pariat a awm a, hei bakah hian Zone FA a la awm cheu avangin MFA Super Cup-ah hian club 50 chu tel thei tura beisei a ni.
Kuminah hian MPL club pariatte first round aṭangin an tel ṭan dawn a, tie draw-ah seeded siam a nih dawn loh avangin club tenau tan pawh thui tak thlen theih a ni ang. Hei bakah hian June 30 hian tualchhung transfer a tawp dawn a, club hrang hrangin player lei nan sum an hmang nasa a, Rs 500 chawia inelna hmachhawn hi season thar atana inpuahchahna ṭha tak a ni ngei ang.
MFA Super Cup-ah hian Round of 32 khelpha chinin Rs 2,500 an dawng dawn a, team tel hi 64 an tling lo a nih chuan team vannei deuh chuan khel miah loin Rs 2,500 an dawng thei ang.
Lawmman
Champion Rs 2,00,000
Runners up Rs 80,000
Semi Finalists Rs 20,000
Quarter Finalists Rs 8,000
Round of 16 Rs 4,500
Round of 32 Rs 2,500
Fair Play Rs 10,000
Mimal Lawmman
Best Goalkeeper Rs 3,000 + Trophy
Best Defender Rs 3,000 + Trophy
Best Midfielder Rs 3,000 + Trophy
Best Forward Rs 3,000 + Trophy