Chanmari West-ah Mawitea leh Thlamuana

MPL club Chanmari West chuan season thar atan kumin CYMA Foot­ball-a Ramhlun South champion puitu Lal­nunmawia leh Vanlal­thlamuana te an lalut.

West Warrior hi Ram­hlun South coach HC Zarzoliana'n a season hnih nan a enkawl dawn a, CYMA Football-a a player paiwmawh pa­nga a sengluhna chiah a ni. Mawitea te unau an lakluh hma hian Chanmari West-in Ram­hlun South tlangval pathum Lalmawizuala, Lalromawia leh Lalrem­ruata te an lalut tawh a ni.

Dinthar FC-in MPL an champion hmasak ber ṭuma player pawimawh Mawitea hian season liam ta khan Ramhlun FC tan bul a ṭan a, season chawhnuah Bethlehem Vengthlang FC tan khelin final hial a thlenpui a, I League club Chennai City FC tan a khel chhun­zawm bawk.

Mawitea nau Thla­muana hi season liam taa Ramhlun North FC-in I Day Football final an thlen theihna kawngah player pawimawh a ni a, amaherawhchu MPL5-ah goal a khung lo. MPL4-a Chanmari tana goal nga zet khungtu forward Thlamuana hian Chanmari West tan goal tam zawk khung a tum ang.

Chanmari West hian Zo United tana pawha inlan tawh defender H. Sanglianmawia chu an ziak lut tawh bawk a, Sairang tlangval hi tlarhnungah hmuh pawimawh chang pha tura beisei a ni.