Bolt-a'n season hman tluan a tum?

Usain Bolt-a'n Aus­gust thlaa World Cham­pionship chu atan intlan­siakna hnuhnung ber tur a nih leh nih loh a chian loh thu a sawi chhuak.

Jamaican sprinter hian London-a inelna hi a tan hun hnuhnung ni tawh tur angin a sawi fo a, tunah erawh tun season a hmang tluan mai thei niin a sawi leh ta a ni.

Olympic gold medal pariat nei mek Bolt chuan, "Chiang takin thutlukna kan la siam lo. Min ṭantute hmaa intihsiakna neih hi nuam ka tiin ka phur thei hle a, tunah chuan season tluana intlansiak theih ka duhin ka chak bawk," tiin a sawi.

Khawvela 100m leh 200m tlan chak ber record chelhtu Bolt hian season thar lam erawh a sawi thei lo a, London-ah pawh hian 100m leh 4x100m relay-ah bak inlan a tum loh thu a ti chiang bawk.