Wimbledon khel tur Jeevan

India tlangval tennis khel thiam Jeevan Ne­dunchezhiyan chu July 3 aṭanga khelh ṭan tur Wimbledon-ah a inlan ve thei dawn.

Kum 28-a upa Jeevan tan tun ṭum hi a Grand Slam tournament hmasa ber tur a ni a, mipa doubles-ah a kawppuitur South Korea star Hyeon Chung chu a ke rek na vangin inlan thei dawn lo mah se American Jared Donaldson nen an ṭangdun ang.

Chennai tlangval Jee­van chuan, "Wim­bledon ka khel thei tur hi ka lawm hle, tennis ka khelh tirh aṭanga ka duhthusam a thleng dik dawn ta a ni," tiin a sawi.

Jeevan hi Wimbledon inbuatsaih nan East­bourne-ah Matt Reid nena ṭang­kawpin an inlan a, nimin khan an match hmsa berah French Open champion Ryan Harrison leh Michael Venus te ṭangdun hnehin bul an ṭan fuh hle.