Vettel khan a ngaihtuah hmasa tur a ni - Ricciardo

Formula 1 team zinga pakhat Red Bull driver Daniel Ricciardo chuan kartawp intlansiaka Sebas­tian Vettel chet dan a dem a, thu­tlukna a siam hmain a ngaihtuah hmasa tur a ni tiin a sawi.

Pathianni zana tlan Azerbaijan Grand Prix-ah Vettel hian hnunglam aṭangin Mercedes driver Lewis Hamilton a su a, German driver hi hremna pek zui nghal a ni chungin palinaah a thleng thei a, world championship-ah hma a la hruai chhunzawm tho a ni.

Ricciardo chuan, "Seb hian a chang chuan a thil tih tur hi ngaihtuah lawk vak loin thutlukna a siam ṭhin a ni. Chak duhin a tuihal tih chu hriat sa a ni a, chutihrualin midang harsatna siam hi tih loh tur a ni," tiin a sawi.

Tun hmain Velttel hian Red Bull car a khalh ṭhin a, he team tan hian world champion vawi li lai a ni thei. Red Bull-ah hian kum 2014 khan Ricciardo nen hian an lo thawk dun tawh ṭhin a ni.