Semifinal-ah Pune 7 Aces

Premier Badminton League khelh laiah Pune 7 Aces chuan semifinal an lut chiang ve leh ta, an dinhmun ti chiang tur hian an league match hnuhnung berah Hyderabad Hunters chu 2-1 in an hneh.

PBL-ah hian North Eastern Warriors leh Chennai Superstarz te pawhin semifinal an lut tawh, pathumna Pune 7 Aces an luh ve leh tak avangin hmunruak pakhat chiah a awm tawh. Nizan khan Bengaluru Raptors leh Awadhe Warriors ten hmun pakhat la awm hi an inchuh a, result kan hre hman lo.

Nilaini zan Gachibowli Indoor Stadium, Hyderabad-a inkhelah Pune 7 Aces hian men's doubles bakah men's singles match pahnihah hnehna an chang. Trump Match atan an thlan mixed doubles lamah an chak loh avangin harsa takin match danga an point hmuh hmangin an tlang hram.