Saints-in Van Dijk chhuahtir an tum lo

Southampton chuan Liverpool nena sawi­zawm hlawh tak an defen­der Virgil van Dijk chu chelh an tum thu an sawi nawn leh ta. Dutch defender hi Liverpool bakah Manchester City leh Chelsea pawhin lakluh an duh a, mah se amah ber hian Anfield pan a duh thu a tichiang.

Mahse, Reds beisei ang ngawtin thil a kal­tluang lo. Saints chuan Merseyside club-in an player an dawr danah an lungawi loh avangin Liverpool hi thuneitute hnena hekah an vau a, Reds-in ngaihdam dilin Van Dijk lakluh an tumna pawh an chawlhsan thu an puang nghal.

Hetiang boruak karah hian Reds manager Jur­gen Klopp chuan Van Dijk lakluh a tumna chu a chawlhsan tak tak lo nia sawi a ni a, Chelsea chuan lakluh tumin Saints dawr an tum niin an sawi bawk.

Mahse Southampton executive director Les Reed chuan, "Kan player zingah tumah zawrh lai an awm lo," tiin a sawi nawn a, ma­­nager thar Mauricio Pellegrino enkawlna hnuai­ah an neihsa hralh chhuah ai chuan squad thawm ṭhat an tum zawk dawn.